உன்னையும்

பசிக்கு அழும் சிறுவன்

பால் கிடைக்காத குழந்தை

வேலையில்லா இளைஞன் 

வீதிப் பிச்சைக்காரி

நிலமிழந்த விவசாயி

மனமுடைந்த தோழன்

கடைசியாய் பார்த்த விபத்து

காலுடைந்த நாய்க்குட்டி

தேசமிழந்த மக்கள்

அனைவரையும் தான் மறந்தேன்
உன் கடை விழி பார்வையில்.

அதனாலென்ன 
உன்னையும் ஒருநாள்.....

துணை

உன் 

கூந்தலேறி தற்கொலை 

செய்த புனிதப் பூக்களை 

அந்தரங்கப் பெட்டியில் 

அடக்கம் செய்து வைத்திருக்கிறேன்.

உன் நினைவுகளை எடுத்துக் கொண்டு 
உயிர்பிரியும் ஒருநாளில்
உதிர்ந்த உடலுக்கு துணை சேர்க்க....