RSS Feed

உன்னையும்

Posted by பித்தன்

பசிக்கு அழும் சிறுவன்

பால் கிடைக்காத குழந்தை
வேலையில்லா இளைஞன் 
வீதிப் பிச்சைக்காரி
நிலமிழந்த விவசாயி
மனமுடைந்த தோழன்
கடைசியாய் பார்த்த விபத்து
காலுடைந்த நாய்க்குட்டி
தேசமிழந்த மக்கள்

அனைவரையும் தான் மறந்தேன்
உன் கடை விழி பார்வையில்.

அதனாலென்ன 
உன்னையும் ஒருநாள்.....

துணை

Posted by பித்தன்

உன் 

கூந்தலேறி தற்கொலை 
செய்த புனிதப் பூக்களை 
அந்தரங்கப் பெட்டியில் 
அடக்கம் செய்து வைத்திருக்கிறேன்.

உன் நினைவுகளை எடுத்துக் கொண்டு 
உயிர்பிரியும் ஒருநாளில்
உதிர்ந்த உடலுக்கு துணை சேர்க்க....